Vassmålarar

Det er no sendt ut SMS til dei abonnentane som skal lese av vassmålaren sjølv (ein SMS per målarnummer). Telefonnr blir henta frå våre system, Difi sitt kontaktregister eller frå opplysningstenesta 1881.

Slek gjer du det: Det er vassmålarstanden som skal meldast inn. Svar på SMS-en ved å oppgi tala i telleverket på vassmålaren. Start avlesning frå venstre, tal bak komma eller raude tal skal ikkje tas med. Det er viktig at du kun skriv inn tal, INGEN tekst - tekst fører til feil i systemet. Dei som har fleire målarnummer må passe på å svare på rett SMS. 

Svarfrist:
Fristen for å svare på SMS-en er 10 dagar frå du mottok den. Systemet er ope for løpande registrering til og med 31.januar 2025. Det vil bli sendt ut ei SMS-påminning i romjula. 

Får eg svar på SMS-en?
Det kjem eit automatisk svar på SMS-en som stadfester at avlesninga er registrert, her ser ein og forbruk sidan førre registrering.

Kva om eg har sendt inn feil målarstand?
Feil avlesning kan korrigerast ved å sende inn avlesninga på nytt.

Kva skjer om eg ikkje svarar på SMS-en innan fristen?
Dersom ein ikkje svarar innan fristen, vil ein få tilsendt ein ny SMS med ny frist for å svare. Systemet er ope for fortløpande registrering til og med 31.januar.