Å organisere denne type tenester er komplisert, og det mange detaljer som må på plass. Samtidig er det viktig å ha eit heilskapsperspektiv. For å ivareta dette har rådmannen vald å dele førebuingsarbeidet inn i eit hovudprosjekt med fem ulike delprosjekt. Prosjektgruppene er breitt samansett. Her finn ein både leiarar, tillitsvalde, verneombod og andre representar frå dei tilsette. Alle gruppene er godt i gang med sine oppgåver. I tillegg har vi faste møte med eldrerådet og rådet for menneske med nedsett funksjonsevne, der helsetunet er på dagsorden.

Dei fem delprosjekta er delt inn i desse områda:

• kjøkken
• tildeling
• turnus
• velferdsteknologi
• dagsenter

Når det gjeld delprosjekt turnus, har kommunen engasjert «Ressurssenter for omstilling i komunesektoren (RO)» til å hjelpe oss i den omstillingsprosessen vi må gjennom for å finne og sette i drift den mest tenlege driftsforma for Øystre Slidre helsetun.

Ei motivert og engasjert forsamling frå fyrste møte vi hadde med RO i januar 2020