Ungdomsklubbtilbod
Øystre Slidre kommune driv organisert ungdomsklubbtilbod for ungdom frå 8.klasse - 3.vgs i Gapahuken. I ein periode frå hausten 2024 vil det ikkje være ordinære klubbtilbod, på grunn av utfordringar med uynskt aktivitet og eit utfordrande klubbmiljø. Det vert jobba med å etablere eit alternativt tilbod.
Ungdomsklubben skal tilby eit variert tilbod til ungdom, med fokus på inkludering gjennom tilrettelegging av aktivitet, meistring, samhald og sunne verdiar. I Gapahuken er det lov å vere ung og leiken, men me akspeterar ikkje mobbing, rasisme, ekskludering og nedsettande prat.
Ungdomskonsulenten er leiar for aktiviteten i Gapahuken, saman med tre tilsette og ein lærling. I tillegg organiserar FAU ved ØSUS natteramnar på fredagane. Klubben har ei eiga frivilliggruppe med ungdom som er med på å planlegge og gjennomføre aktiviteten.
Skatepark, konsertamfi og Lydkåken Rockeverkstad
Uteområdet ved Gapahuken er fint opparbeida med asfalterte gangstiar og belysning. Uteområdet omfattar skatepark på 400m2 i betong, konsertamfi og sceneplatting med plass til 300 tilhøyrarar. Alt dette er ope for bruk til organisert og uorganisert aktivitet.
Lydkåken Rockeverkstad er eit øvingshus med lydstudio for dei som er ynskje å jobbe med musikk. Tilbodet er organisert og drifta av foreininga Lydkåken Rockeverkstad.
Huset er utstyrt med ulike typar aktivitetsutstyr;
- Biljardbord
- Bordtennis
- Scene
- Konsertanlegg
- Brettspel
- Play Station
- Lerret med projector
- 50 klappstolar for filmframvisning, kurs eller seminar
- Eige kjøken med alle kvitevarar og kioskluke
Bygget er universielt utforma og har publikumskapasistet på inntil 180 personar.
Bygget er tilgjengeleg for kommunen sine verksemder, skuleklassar, samt frivillige lag og organisasjonar som ynskjer å drive fast aktivitet eller enkeltarrangement.
Arrangørar frå Øystre Slidre som fell innafor desse kategoriane, kan nytte Gapahuken vederlagsfritt til sine aktivitetar.
Komersielle aktørar og grupper frå andre kommunar kan leige bygget til arrangement, kurs og møter.
For informasjon om leige og prisar, kontakt:
Bygget er ikkje tilgjengeleg for private arrangement, t.d. fødselsdagsfeiring, konfirmasjon og bryllaup.
Gapahuken har modellbasert konsertscene på 16m2, med fast installert lyd- og lysanlegg. Bygget har gode akustikktilhøve for forsterka musikk.
Kulturkontoret i kommunen arrangerer jamnleg konsertar i Gapahuken innan ulike sjangrar, og for ulike aldersgrupper. Band og artistar kan gjerne sende førespurnad om å spele i Gapahuken. Det er og mogleg å leige bygget med utstyr og teknikar, om ein ynskjer det.
Konsertar vert gjort offentleg på kommunen sine heimesider og på Gapahuken si facebook-side.
Bygget kan leigast ut til kommunen sine verksemder, skuleklassar, samt frivillige lag og ideelle organisasjonar som ynskjer å drive fast aktivitet, eller enkeltarrangement.
Me tilbyr og utleige av konsertscene med eller utan lyd/lydutstyr etter avtale.
For informasjon om leige og prisar, kontakt:
Lydkåken Rockeverkstad er eit studio- og øvingslokale for lokale band og musikarar. Tilbodet er drifta av foreininga Lydkåken Rockeverkstad. For info; sjekk facebook.com/lydkaaken