Frisklivssentralen i Øystre SlidreFrisklivssentralen er eit kommunalt kompetansesenter for rettleiing og oppfølging innan fysisk aktivitet, kosthald og tobakk. Frisklivsentralen er mellomleddet mellom lege og aktivitet.Sentralen kan i tillegg fungere som ein ressurs og eit kontaktpunkt for andre helsefremjande tiltak i kommunen.Frisklivssentralen hjelper og støttar personar som ynskjer å endre levevanar innan fysisk aktivitet, kosthald og tobakk, gjennom individuelle samtaler, oppfølging av eigenaktivitet eller deltaking i gruppebaserte tilbod. Ein treng ikkje ha ei diagnose eller vere sjuk for å delta på ein frisklivssentral. Legen, anna helsepersonell eller NAV kan tilvise deltakarar til frisklivssentralen gjennom frisklivsresepten, eller du kan kontakte sentralen på eige initiativ.Frisklivssentralen er for alle som ønskjer å endre levevanar eller auka aktivitet og treng rettleiing. Sterk og stødig - treningsgruppe for seniorar Om tilbodetSterk og stødig er eit lågterskel treningstilbod for seniorar. Tilbodet er for deg over 65 som er litt ustø og vil få betre balanse og beinstyrke, men som elles klarer deg så godt som utan hjelp frå kommunen. Treninga vil gå føre seg både sitjande og ståande og ha fokus på kondisjon, styrke for bein og balanse i 60 minutt ein dag i veka. Etter treninga er det veldig triveleg om de tek med dykk niste og et denne i lag. Det er ikkje berre trim som er bra for helsa; det å vere sosial er også viktig! Gruppetimen blir halden av kvalifiserte Sterk og Stødig-instruktørar som får oppfylging av kommunale fysioterapeutar. Tilbodet fylgjer skuleruta og er gratis.Påmelding skjer via sms eller e-post til ansvarleg fysioterapeut. Les meir om Sterk og stødig herFor deltakararTilbodet er for deg over 65 som er litt ustø og vil få betre balanse og beinstyrke. Du må kunne gå utan hjelpemiddel innandørs, og klarar deg godt i eigen heim utan særleg bistand frå kommunen eller andre. Du må koma deg til og frå treninga på eige hand. Prat med legen din om treninga dersom du har sjukdomar som du må ta hensyn til.Tilbodet er gratis. Du treng: klede som er lette å bevege seg i, innetreningssko og drikkeflaske.Treninga går føre seg i ditt nærmiljø på dagtid, og modellen fylgjer ein fast mal som tek i bruk treningsprinsipp og øvingar som har synt seg å ha effekt på beinstyrke og balanse, slik at ein blir sterkare og stødigare.Treninga går føre seg i ulike lokale i kommunen. Alle lokala våre vil ha parkeringsmoglegheiter og trygg, framkommeleg veg, sumar som vinter. Gruppene våre har plass til omlag 12 personar + instruktør og krev påmelding. Alle som har meldt seg på vil motta ein telefon frå ansvarleg fysioterapeut med nokre spørsmål om balanse og gangfunksjon.Etter treninga er det moglegheiter for å delta på sosialt treff med gruppa. De kan til dømes ta med matpakke og kaffe på termos, og ete i lag etter treninga.Vil du bli instruktør?Vil du bli frivillig instruktør?Sterk og Stødig-treningsgrupper blir drifta av frivillige instruktørar, som har gjennomgått instruktørkurs og fyrstehjelpskurs. Du treng ikkje ha erfaring med grupper eller trening frå før. Dersom du har eit ynskje om å drive eigne sterk og stødig-treningsgrupper, vil du få opplæring og oppfylging av fysioterapeutar slik at du kan bli trygg på øvingane og instruktørrolla. Du vil også få tilgang til sterk og stødig materiale, med gode bilder og skildringar av treningsøvingane.Som frivillig er det ynskjeleg at du gjennomfører ei trening i veka. Deltaking på sosialt treff i etterkant er frivillig. Fysioterapeutane har ansvar for å ta imot påmelding, ordne lokale og skaffe vikarar ved behov. Ditt ansvar som frivillig instruktør er kun å møte opp og gjennomføre treninga, eller gje beskjed dersom du er borte.Er du nysgjerrig på instruktørrolla? Ta gjerne kontakt med oss dersom du ynskjer meir informasjon eller har ynskje om å hospitere på ei av våre treningsgrupper.Sertifisering av frivillige instruktørar:Instruktørkurset går over 3 dagar og blir leia av ansvarleg fysioterapeut i kommunen. Det vil vera to kursdagar med informasjon og praktisk øving, og ein dag med sertifisering der ein får anledning til å leie ei kort treningsøkt saman med dei andre kursdeltakarane. Dette er ei god moglegheit til å få praktisk øving før ein sjøl er ansvarleg for ei gruppe.Før ein startar opp med eigne grupper må ein også ha gjennomført eit fyrstehjelpskursEr du interessert i å vera instruktør? Ta kontakt med ansvarleg fysioterapeut i kommunen. Balansetrening Balansetrening i treningsrommet på HeggenesBalansetrening er eit viktig helsefremjande og fallførebyggjande tiltak. Frisklivssentralen tilbyr balansetrening onsdagar kl. 09.45 – 11:15 i Treningsrommet på Heggenes.Treninga inneheld balanse, kondisjon, styrke, koordinasjon, rørsleevne og litt avspenning.Ha på gode sko, ledige klede og ta med drikkeflaske. Inga påmelding. Her er det berre å møte opp, men vi ønskjer å få telefonnummeret ditt slik at vi får informert om eventuelle endringar.Tidspunkt for balansetrening i gruppe:Kvar onsdag kl. 09.45-11.15 i treningsrommet på HeggenesTilbodet er gratis Onsdagstrimmen på Helsetunet Gruppeaktivitet på Helsetunet Onsdagar er det trening på Helsetunet. Det er eit tilbod til heimebuande som begynner å bli ustø/har funksjonsnedsettelse. Veiledning av fysioterapeut.Tilbodet er gratis. Fredagstrimmen på Helsetunet Gruppeaktivitet på Helsetunet Fredagar er det trening på Helsetunet. Det er eit tilbod til alle som bur på Helsetunet. Veiledning av fysioterapeut.Tilbodet er gratis. Kvardagsrehabilitering Her finn du informasjon om kvardagsrehabilitering Treningsrommet på Heggenes Treningsrommet på Heggenes Informasjon om treningsrommet på Heggenes finn du her Eigentrening Informasjon om fallførebyggande trening finn du her, lenke til Helse Norge Velkomen! Sist endra 17.06.2024 09.06