Vedtak

Sakene vert teke til vitande.

Formannskapet gir fullmakt til One Enerud og Bjarne Budal å godkjenne og signere protokollen.

Behandling

Formannskapet gir fullmakt til One Enerud og Bjarne Budal å godkjenne og signere protokollen.

Vedtak

Formannskapet sluttar seg til dei tilrådingane kommunedirektøren har gjort i vedlagt notat med dei endringane som vart vedteke i møtet.

Behandling

Formannskapet handsama dei ulike tema, og det vart fremja følgjande forslag til endring i høve tilrådinga:

Beitostølen sør:

Bjarne Budal og One Enerud la fram følgjande framlegg til endring:

Formannskapet ber administrasjonen ta ut heile arealet i tilknytting til Beitostølen sør i arealplanen.

Formannskapet ber administrasjonen jobbe med destinasjonsutvikling i Beitostølen, og i dette arbeidet vurdere Beitostølen sør opp mot rullering av arealplan om 4 år.

Administrasjonen må engasjere seg i det grunneierskapte samarbeidet som utbygger har skapt for utviklinga av Beitostølen sør.

Forslaget vart vedteke med 4 røyster (Ap, Sp, Sv).

Javnlie:

Odd Erik Holden la fram følgjande framlegg til vedtak:

Formannskapet vil ta stilling til dette området i samband med høyring av 2. utkast av arealplanen.

Forslaget vart samrøystes vedteke.

Omsynssone landbruk Hedalsstølane-Javnlie

Formannskapet ber kommunedirektøren vurdere siste setning i føresegnene for omsynssona.

Vedtak

Formannskapet gjev dispensasjon frå gjeldande kommunedelplan for Beitostølsområde og godkjenner frådeling av ei bustadtomt med eit areal på om lag 3,2 dekar som omsøkt frå eigedom gnr. 3 bnr. 31. Grunngjeving for dette er at fordelane ved ei frådeling er klart større enn ulempene og at dispensasjonen ikkje strir mot omsyn planen skal ivareta. Dispensasjonen er gjeve i medhald av plan- og bygningslova § 19-2.

Formannskapet gjev løyve til frådeling av ei bustadtomt med eit areal på om lag 3,2 dekar som omsøkt frå eigedom gnr. 3 bnr. 31. Grunngjeving er at ei frådeling av ei bustadtomt er forsvarleg ut frå driftseininga sitt ressursgrunnlag, og den vil bidra med å styrke busetjinga i området. Vedtaket om frådeling er gjort i medhald av § 12 i jordlova.

Formannskapet godkjenner frådeling av ei bustadtomt med eit areal på om lag 3,2 dekar som omsøkt frå eigedom bnr. 3 bnr. 31. Vedtaket er gjort i medhald av plan og bygningslova § 20-1, bokstav m.

Løyve vert gjeve på følgjande vilkår:

• Det skal tinglysast vegrett for å sikre tilkomst til den framtidige eigedomen.
• Frådelinga skal ikkje hindre tilkomst til skogareal, dyrka mark eller tun på eigedom gnr. 3 bnr. 31.

Formannskapet gjev fullmakt til kommunedirektøren til å fastsetje dei endelege grensene ved oppmålingsforretning.

Behandling

Samrøystes vedeke.

Vedtak

Kommunestyret tek 2. tertialrapporten til orientering.

Kommunestyret vedtek dei budsjettendringar i investering og drift som går fram av vedlegg 1 til 2. tertialrapport 2024.

Behandling

Samrøystes tilrådd.