Vedtak

Sakene vert teke til vitande.

Kommunestyret gir fullmakt til Torje Kolbu og Ellen Hæhre å godkjenne og signere protokollen.

Behandling

Kommunestyret sett med 20 representantar til stades, og kommunestyret er vedtaksført.

Kommunestyret gir fullmakt til Torje Kolbu og Ellen Hæhre å godkjenne og signere protokollen.

Samrøystes vedteke

Vedtak

Delegerte saker vert teke til vitande.

Behandling

Samrøystes vedteke

Vedtak

Kommunestyret meiner klagene ikkje inneheld nye opplysingar som gjev grunnlag for å endre reguleringsplanen for Liahaugstølen. Kommunestyret meiner saka er godt nok utgreidd jf. denne saka med vedlegg. Klagene vert ikkje tekne til følgje og saka blir sendt over til Statsforvaltaren i Innlandet for endeleg avgjerd.

Behandling

Bente Oxhovd opplyste at ho har vore inhabil i saka før, og bad om å få vurdert sin habilitet. Kommunestyret fann Bente Oxhovd inhabil i saka. Tord Rogne møtte som vararepresentant.

Morten Steinsrud opplyste at han har vore inhabil i saka før, og bad om å få vurdert sin habilitet. Kommunestyret fann Morten Steinsrud inhabil i saka. Signe Skammestein møtte som vararepresentant.

One G. Enerud (Sv) la fram følgjande forslag til vedtak på vegne av Sv og V:

Kommunestyret tek klagene til følgje. Kommunestyret gjer om vedtaket om regulering av Liahaugstølen og avviser planen.

Forslaget frå One G. Enerud vart sett opp mot tilrådinga frå formannskapet.

Forslaget frå One G. Enerud fekk 6 røyster (Sv, V, 1 Sp).

Tilrådinga frå formannskapet fekk 14 røyster (Ap, Sp, H).

One G. Enerud (Sv) bad om å få følgjande protokolltilføring:

Represtentantane frå Sv og V vil påpeike at vi ikkje kan, ut frå saksframlegget, ta stilling til om jussen tilsier at reguleringsplanvedtaket skal opphevast. Denne saka handlar om ei storstilt utbygging i urørt natur, der delar av området er myr og utbygginga er planlagt delvis i LNF. Vi vil også påpeike at overordna arealvurderingar, spesielt dei som er konfliktfylte, må handsamast likt med kommuneplanen sin arealdel.

Vedtak

Kommunestyret i Øystre Slidre kommune prioriterer følgjande tiltak i handlingsprogrammet for fylkesvegar 2026-2029:

Gang- og sykkelveg:

Utbygging av gang- og sykkelveg langs Fv 51 med følgjande prioritet:

1. Fv 51 – Gang- og sykkelveg frå Kyrkjebergvegen i Rogne til Moane.

2. Fv 51 – Gang- og sykkelveg frå Myhre gard til Skammestein med kurveutretting av svingen på Fv 51sør for Myhre gard.

Utbetringar:

Utbetring av Fv 51 med følgjande prioritet:

1. Utbetringar gjennom Heggenes sentrum med redusert barriereverknad, og betre tilrettelegging for gåande/syklande og brukarar av kollektivtilbodet.

2. Utbetringar gjennom Beitostølen sentrum med utbygging av nytt kollektivknutepunkt og utvikling av Bygdinvegen som gate og ikkje som gjennomkøyringsveg.

Vedlikehaldstiltak:

Kommunestyret i Øystre Slidre kommune har følgjande prioritering for bruk av midlar til vedlikehaldstiltak i handlingsprogrammet for fylkesvegar 2026-2029:

1. FV 2506 – Beitovegen, strekninga Beito - Mørken

2. FV 2504 - Robølsvegen

3. FV2490 - Vølbusvegen/Vestsidevegen

Behandling

Kommunedirektøren la fram følgjande justert tilråding i saka:

Kommunestyret i Øystre Slidre kommune prioriterer følgjande tiltak i handlingsprogrammet for fylkesvegar 2026-2029:

Gang- og sykkelveg:

Utbygging av gang og sykkelveg langs Fv 51 med følgjande prioritet:

1. Fv 51 – Gang- og sykkelveg frå Kyrkjebergvegen i Rogne til Moane

2. Fv 51 – Gang og sykkelveg frå Myhre gard til Skammestein med kurveutretting av svingen på Fv 51sør for Myhre gard

Utbetringar:

Utbetring av Fv 51 med følgjande prioritet:

1. Utbetringar gjennom Heggenes sentrum med redusert barriereverknad, og betre tilrettelegging for gåande/syklande og brukarar av kollektivtilbodet.

2. Utbetringar gjennom Beitostølen sentrum med utbygging av nytt kollektivknutepunkt og utvikling av Bygdinvegen som gate og ikkje som gjennomkøyringsveg.

Vedlikehaldstiltak:

Kommunestyret i Øystre Slidre kommune har følgjande prioritering for bruk av midlar til vedlikehaldstiltak i handlingsprogrammet for fylkesvegar 2026-2029:

1. FV2506 – Beitovegen, strekninga Beito -Mørken

2. FV 2504 - Robølsvegen.

3. FV2490 - Vølbusvegen/Vestsidevegen.

Bente Oxhovd bad om gruppe-møte.

Torje Kolbu la på vegne av Høgre fram følgjande forslag til endring i høve tilrådinga:

Fv 51 – Gang og sykkelveg frå Myhre gard til Skammestein med kurveutretting av svingen på Fv 51sør for Myhre gard vert sett som 1. prioritet innan gang- og sykkelveg.

Det vert røysta over forslaget frå Torje Kolbu. Forslaget frå Torje Kolbu. fekk 4 røyster og fall.

Tilrådinga vart etter det samrøystes vedteken.

Vedtak

FACT Valdres blir vidareført i ordinær drift, med ei evaluering innan 1.1. 2027. Kommunedirektøren får fullmakt til å skrive under ny samarbeidsavtale for FACT Valdres.

Behandling

Samrøystes vedteke.

Vedtak

1) Kommunestyret vel desse representantane og vararepresentant til ungdomsrådet for 2024-25:

2) §01 i Reglement for ungdomsrådet i Øystre Slidre kommune vert endra til:

Ungdomsrådet skal ha fem medlemmer og eitt varamedlem. Funksjonstida er eitt år, frå 1. oktober – 30. september.

Behandling

Samrøystes vedteke.